Rekomandime për prindërit

Urime të përzemërta për lindjen e fëmijës suaj!

Me siguri tani ju dini mirë se çfarë i nevojitet bebushit tuaj: Ushqim, mbështjellje, larje, veshje, fjetje dhe shumë kohë për të kaluar së bashku. Por aventura më e madhe është që fëmija juaj shumë shpejt do të fillojë të zbulojë botën. Dhe për këtë ju mund ta përkrahni atë.

Për një zhvillim të mirë është shumë e rëndësishme për të folur:
për t'u marrë vesh me të tjerët,
për t'u orientuar në botë,
për të bërë pyetje,
për të mësuar lexim, shkrim dhe llogaritje.

Por fëmija nuk mëson vetiu për të folur. Për këtë qëllim i duhet kontakti plot dashuri dhe biseda me një person të njohur: pra me ju. Prandaj këndoni dhe flisni shumë me fëmijën tuaj.

Në këtë drejtim ndihmojnë libra, në fillim libra me ilustrime:
këta libra mund t'i shihni së bashku,
në një mënyrë të lehtë ata japin njohuri,
nxitin fantazinë,
e sjellin botën në shtëpinë tuaj,
përkrahin përqëndrimin,
përgatisin herët të mësuarit,
japin ndihmesë për hyrjen në kopsht dhe në shkollë,
ata ndihmojnë fëmijën tuaj që të merret nganjëherë edhe me vetën e vet.
Gjeni kohë për leximin dhe shikimin e librave, qoftë gjatë udhëtimit, qoftë kur rrini pranë e pranë në shtëpi. Këtë e bëni për fëmijën tuaj dhe për vete.

Mund t'i lexosh fëmijës kudo:
në krevat, në divan, në karrocën e fëmijës, në një stol në park ose shtrirë në livadh.
Librat ndihmojnë mirë kundër monotonisë:
gjatë pritjes tek mjeku, në një udhëtim të gjatë ose duke pritur në rradhë para arkës së dyqanit.
Librat ndihmojnë për t'u qetësuar:
si tregim para gjumit, në rast të problemeve me të fjeturën dhe kur fëmija juaj është e sëmurë.

Ndihmën kompetente e gjeni në bibliotekën tuaj:
Libra me ilustrime për secilën moshë,
libra për lexim,
libra të fushave të ndryshme për fëmijë për tema si: kafshët, futbolli, teknika, historia, njohuritë parashkollore (ngjyrat, shifrat, gërmat),
CD ose kaseta me këngë dhe tregime,
revista,
libra këshilluese për fusha të ndryshme,
p.sh. mbi edukimin, shëndetin, wellness, lojrat me duar, lojrat për fëmijë, punëra artizanale, gatimin.
Dhe patjetër gjeni atje sasira të mëdha të materialeve për të lexuar dhe të mediave moderne për ju.